Skothelt leynitrix sem þú þarft að kunna! Þetta mun létta þér verkið er þú málar veggina næst heima fyrir.

Það kannast allir við að sjá málninguna slettast niður á gólflistana er við málum veggina heima fyrir. Þegar málningin svo þornar tekur óratíma að skrapa hana af – það er að segja ef við höfum ekki setið á hnjánum og sett teip ofan á alla listana til að forðast slík vandræði. En þá er til stórsniðug leið til að þurrka málninguna strax af á meðan hún er blaut. Þú dregur fram greiðslukort eða annað í álíka stærð, leggur utan um það þunnan klút eða jafnvel servíettu, og dregur meðfram listunum til að þurrka alla blauta málningu strax af.