Salat með hráskinku og mozzarellaperlum

Einn skammtur

• 150 g klettasalat
• 180 g mozzarellaperlur (1 dós)
• 300 g hráskinka
• 1 askja kirsuberjatómatar
• 10 jarðarber
• ristaðar furuhnetur
• balsamgljái

Aðferð

1. Skolið og þerrið klettasalatið, hellið smá ólífuolíu yfir og kryddið til með salti og pipar.
2. Leggið klettasalatið á fallegan disk, dreifið mozzarellaperlunum ofan á salatið. Setjið hráskinkuna yfir salatið.
3. Skerið jarðarber og tómata smátt og dreifið yfir hráskinkuna.
4. Ristið furuhnetur og dreifið yfir í lokin. Gott er að bera salatið fram með balsamgljáa og ristuðu hvítlauksbrauði.