Okkar eftirlætis Royal Copenhagen kynnti á dögunum nýjung til heiðurs hennar hátign, Margréti Danadrottningu.

Í tilefni af 50 ára drottningarafmæli Margrétar hefur Royal Copenhagen búið til sérstaka vöru henni til heiðurs – en afmælinu er formlega fagnað 14. janúar nk. Hér ræðir um einstaklega fallega öskju eða postulínsskál með loki – en lokið er skreytt uppáhaldsblómi Margrétar, „Daisy“, sem jafnframt er gælunafn drottningarinnar meðal fjölskyldu og vina.

Skálin er framleidd í ógljáðu postulíni og er um 12 cm í þvermál, því fullkomin undir sykurmola eða skart ef því er að skipta. Skálin er framleidd í takmörkuðu upplagi og verður eingöngu fáanleg á þessu ári, eða svo lengi sem birgðir endast. Þeir sem vilja næla sér í skál geta fundið hana í verslunum Royal Copenhagen eða í netverslun HÉR.

Mbl.is/Royal Copenhagen

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt