Stórkostleg steik fyrir kvöldið

Nauta­steik og meðlæti

Fyr­ir tvo

Nauta­steik

• 2 x nauta ri­beye steik
• 4 msk. soyasósa
• 4 msk. Worcesters­hire sósa
• 2 tsk. dijon sinn­ep
• 1 msk. ferskt tim­i­an (saxað)
• Pip­ar
• Ólífu­olía til steik­ing­ar

Aðferð:

1. Blandið soyasósu, Worchesters­hire sósu, sinn­epi og tim­i­an sam­an í skál, hellið í poka og komið steik­un­um fyr­ir í pok­an­um.
2. Veltið kjöt­inu upp úr leg­in­um og leyfið að liggja í pok­an­um við stofu­hita í um 30 mín­út­ur.
3. Hellið þá öll­um vökva af og þerrið þær aðeins.
4. Hitið ólífu­olíu á pönnu og steikið kjötið þar til það hef­ur náð þeim kjarn­hita sem þið óskið. Piprið eft­ir smekk.
5. Ég tók steik­urn­ar af pönn­unni þegar kjarn­hiti var um 48°C, setti í álp­app­ír og leyfi þeim að hvíla í hon­um þar til kjarn­hiti var kom­in upp í um 56°C (med-rare). Þá má taka álp­app­ír­inn af og leyfa þeim að standa ör­lítið leng­ur áður en þeirra er notið.

Kart­öfl­ur

• Um 500 g kart­öfl­ur
• 50 g smjör
• 1 msk. ferskt tim­i­an (saxað)
• Salt, pip­ar, hvít­lauks­duft

Aðferð:

1. Sjóðið kart­öfl­urn­ar þar til þær mýkj­ast.
2. Leyfið þeim aðeins að kólna, skerið þá í tvennt og steikið upp úr smjöri og krydd­um þar til þær verða aðeins stökk­ar.

Bernaise sósa

• 250 g smjör
• 4 eggj­ar­auður
• 1 msk. Bernaise essence
• 1 msk. Oscar nautakraft­ur (fljót­andi)
• 1 tsk. sítr­ónusafi
• 2 msk. estragon
• Salt og pip­ar eft­ir smekk

Aðferð:

1. Bræðið smjörið, leyfið því síðan að kólna niður á meðan annað er und­ir­búið. Smjörið á rétt að vera ylvolgt þegar því er hellt sam­an við þeytt­ar eggj­ar­auðurn­ar (þá eru minni lík­ur á því að sós­an skilji sig).
2. Þeytið eggj­ar­auðurn­ar þar til þær verða létt­ar, ljós­ar og farn­ar að þykkj­ast vel.
3. Hellið ylvolgu smjör­inu þá sam­an við í mjórri bunu og hrærið á lægsta hraða á meðan það bland­ast sam­an við.
4. Bætið næst öðrum hrá­efn­um sam­an við og hrærið sam­an, smakkið til og kryddið eft­ir smekk.