Steikarsalat með Stóra Dímon og grilluðum maís

Fyrir tvo

• Salatblanda að eigin vali
• kirsuberjatómatar, gjarnan gulir og rauðir
• ferskur maís
• 1⁄2 stk. Stóri Dímon
• 300 g nautalund eða annar vöðvi
• smjör
• ólífuolía
• salt og pipar

Salatsósa

• 1 msk. balsamedik
• 3 msk. ólífuolíu
• 1 tsk. hunang
• 2 tsk. dijon-sinnep
• salt og pipar eftir smekk
• 1 1⁄2 tsk. fersk steinselja, smátt söxuð

Aðferð:

1. Byrjið á að pensla nautakjötið með ólífuolíu, kryddið vel með salti og pipar og grillið þar til það er eldað eftir ykkar smekk. Ég fer með mitt upp í 56 gráður í kjarnhita. Látið kjötið hvíla á meðan þið útbúið afganginn af salatinu.
2. Penslið maísinn með dálitlu smjöri, salti og pipar og grillið við háan hita þar til rendur myndast á maísnum. Skerið svo maísinn utan af stönglinum.
3. Setjið salatið saman, leggið salatblöndu í botninn á fallegri skál, raðið því næst tómötum og maís yfir. Klípið ostinn í litla bita og dreifið yfir.
4. Skerið nautakjötið í þunnar sneiðar og leggið ofan á salatið.
5. Hristið öll innihaldsefnin í salatsósuna saman í krukku eða þeytið saman í skál og hellið yfir salatið. Berið afganginn fram með salatinu.