Stóra spurningin er oft hvaða matvörur við megum leggja okkur til munns eftir síðasta söludag? Hvenær er matvara útrunnin? Tæknilega séð ætti allur frosinn, þurrkaður og niðursoðinn matur að vera í lagi eftir síðasta söludag – en þó ber að hafa í huga að það sé ekki gulltryggt að maturinn smakkist eins.
- Frosinn mat má vel borða eftir síðasta söludag, svo lengi sem maturinn hefur verið geymdur samkvæmt leiðbeiningum.
- Egg eru í lagi í nokkra daga eftir síðasta söludag, best er þó að matreiða þau vel.
- Samkvæmt síðunni TooGoodToGo, þá getur brauð enst í allt að tvær vikur eftir síðasta söludag sé það geymt í kæli. Mælt er með að brauðið sé þá betra í brauðristina.
- Hvít hrísgrjón eru vel æt eftir setta dagsetningu svo lengi sem þau eru geymd í lofttæmdu íláti. Eins dugar pasta í allt að 24 mánuði eftir settan dag, hafi það verið geymt á þurrum og góðum stað.
- Dósamatur á einnig að duga í 24 mánuði eftir síðasta söludag á meðan sósuflöskur eins og tómatsósa, getur enst í nokkra mánuði í kæli.
- Edik og sojasósa ætti að endast í einhver ár!
- Hnetusmjör getur enst lengi, sé það geymt á köldum og dimmum stað (þó ekki í ísskáp).