Matur | mbl | 21.9.2022 | 15:15

Eggjahræra eins og drottningunni sæmir

Elísabet elskaði góða eggjahræru. mbl.is/Getty

Það voru margir sem fylgdust með er Elísabet Englandsdrottning var borin til grafar og enn berast fréttir af matarvenjum hennar hátignar - en hún var mikill sælkeri eins og við höfum margoft komið inn á hér á matarvefnum.

Eitt af því sem Elísabetu þótti einstaklega gott, var eggjahræra - en þessi uppskrift er sögð vera ein af hennar uppáhalds með einstökum hráefnum eins og sítrónuberki og múskat. Við leggjum ekki meira á ykkur!

Eggjahræra eins og drottningunni sæmir

Þrjú lífræn (brún) egg
1 msk. mjólk
1 msk. smjör/ólífuolía
1 tsk. fínt rifinn sítrónubörkur
Klípa af möluðum múskat
Nýmalaður svartur pipar eftir smekk
Sjávarsalt (eftir smekk)
Niðurklipptur graslaukur

Aðferð:

Þeytið eggin og mjólkina í skál þar til þau hafa blandast vel saman og saltið eftir smekk. Bætið restinni af hráefnunum saman við og blandið saman.
Hitið smjörið eða ólífuolíuna á lítilli pönnu á lágum til meðalhita. Bætið eggjablöndunni út í og lækkið hitann um leið og þið hrærið rólega í eggjunum með spaða og passið að þau festist ekki við botninn á pönnunni.