Ómótstæðilegur ítalskur pastaréttur með ferskum mozzarella
Ljósmynd/Linda Ben
Setja bókamerki
Hér höfum við einstaklega gómsætan pastarétt með ítölsku salami, sólþurrkuðum tómötum, þistilhjörtum, fersku basil og mozzarella-kúlum.
Uppskriftin er úr smiðju Lindu Ben sem klikkar ekki frekar en fyrri daginn.
Ítalskur salami-pastaréttur með ferskum mozzarella
- 300 g heilkornapastaskrúfur frá Barilla
- 1 msk. ólífuolía
- 1/2 laukur
- 115 g ítalskt salami frá SS (eitt bréf)
- 280 g þistilhjörtu
- 100 g sólþurrkaðir tómatar
- 35 g ristaðar furuhnetur
- 1/4 tsk. þurrkaðar chili-flögur
- 1 msk. ferskt timjan (lauf af u.þ.b. 5 stönglum)
- Salt og pipar
- 1 stór hnefi fersk basilíka
- 2 mozzarella-kúlur
- 1 msk extra virgin ólífuolía
Aðferð:
- Sjóðið Barilla-skrúfurnar samkvæmt leiðbeiningum.
- Skerið laukinn smátt og steikið á pönnu upp úr u.þ.b. 1 msk af ólífuolíu. Skerið salami-ið niður í bita og bætið út á pönnuna ásamt þistilhjörtum og sólþurrkuðum tómötum (ath.: það gæti verið gott að skera tómatana aðeins niður fyrst).
- Bætið því næst út á pönnuna ristuðum furuhnetum, þurrkuðu chili, fersku timjan og salt og pipar eftir smekk.
- Bætið soðna pastanu út á pönnuna og hrærið öllu vel saman. Slökkvið á hitanum undir pönnunni.
- Setjið ferskt basil yfir og rífið mozzarellakúlurnar yfir. Hellið extra virgin ólífuolíu yfir.
Ljósmynd/Linda Ben
Ráðuneytið varð við beiðni fjölskyldu Lúðvíks
Þingflokkarnir funda hver í sínu lagi í dag
2,2 milljarðar í lækna og lyf
Viðgerð lokið: Varanlegt varaafl á komandi vikum
Fækkar um rúmlega 900 í þjóðkirkjunni
Álag og aukið umfang
Kínverjar gera sig digra við Taívan
„Vonandi hægt að nýta nýtt bílaplan á næstu dögum“