Súrdeigsbrauð með sveppum og kotasælu

6 litlar brauðsneiðar (fyrir 2-3 manns)

• 6 sneiðar af súrdeigsbrauði (snittubrauði)
• 200 g kotasæla (ein lítil dós)
• 100 g kastaníusveppir
• 150 g kjúklingabaunir
• Ólífuolía til steikingar
• Salt, pipar, hvítlauksduft, chilliduft
• Kóríander

Aðferð:

1. Skáskerið 6 sneiðar úr brauðinu og steikið upp úr ólífuolíu, leggið til hliðar.
2. Skerið næst sveppina í sneiðar og steikið upp úr ólífuolíu, kryddið eftir smekk.
3. Á meðan sveppirnir steikjast má setja kotasælu á hverja brauðsneið og síðan skipta sveppunum niður ofan á kotasæluna.
4. Steikið að lokum kjúklingabaunirnar og kryddið eftir smekk, mér fannst gott að setja vel af chillidufti. Ef það kemur mikill safi á pönnuna af baununum er gott að hella honum af áður en þið kryddið endanlega til að þær nái aðeins að steikjast og fá stökka húð.
5. Toppið með söxuðum kóríander.