Matur | mbl | 22.2.2023 | 16:33 | Uppfært 17:13

Kjúklingarétturinn sem Hildur elskar

Ljósmynd/Hildur Rut

„Ég sá þessa girnilegu uppskrift frá Donnu Hay og ég varð bara að prófa að útbúa mína útgáfu,“ segir matarbloggarinn Hildur Rut á Trendnet um þessa uppskrift. „Vá, vá, vá, hvað þetta er gómsætur réttur. Kjúklingabringur með ferskum mozzarella og basilíku, vafðar inn í parmaskinku og þaktar með panko- og parmesan hjúpi. Það getur bara ekki klikkað. Fullkominn matur til að gera vel við sig. Gott að bera fram með kartöflum, salati og ísköldu rósavíni.“ Nammi!

Kjúklingaréttur með parmaskinku og mozzarella

Fyrir fjóra

4 kjúklingabringur frá Rose Poultry
16 basilíkulauf
8 sneiðar ferskur mozzarella
Pipar
8 sneiðar parmaskinka
3 dl panko raspur
1,5 dl parmigiano reggiano
1/2 dl steinselja, smátt skorin
Ólífuolía

Aðferð

Skerið kjúklingabringurnar til helminga.
Raðið kjúklingnum á bökunarplötu þakta bökunarpappír.
Setjið tvö basilíkulauf á hverja sneið og eina sneið af mozzarella. Kryddið með pipar eftir smekk.
Vefjið parmaskinkunni utan um kjúklinginn.
Blandið saman panko raspi, parmesan og smátt saxaðri steinselju í skál.
Dreifið raspinum ofan á kjúklinginn og þrýstið aðeins ofan á.
Dreifið vel af ólífuolíu yfir kjúklinginn og bakið í 20-30 mínútur við 180°C eða þar kjúklingurinn er bakaður í gegn.
Berið fram með kartöflubátum og njótið í botn.