Hér eru samverustundir fjölskyldunnar hafðar í fyrirrúmi - þar sem leikvelli var komið fyrir í eldhúsinu til að krakkarnir gætu eytt meiri tíma í návist foreldra sinna sem standa vaktina við eldavélina.

Heimilið er staðsett í Taíwan og voru það HAO Design sem sáu um hönnunina sem hefur sannarlega heppnast vel - því hér er leiksvæði í sambland við fallegar innréttingar í ljósum og léttum tónum. Í eldhúsrýminu má til að mynda finna rennibraut og setkrók til að leika sér eða lesa bækur, svo ekki sé minnst á róluna sem alltaf er vinsæl.

Eldhúsið sjálft er í ljósum litatónum og opið til allra átta ef svo mætti segja. Í eldhúsborðinu má síðan finna innbyggt hólf þar sem kryddjurtirnar standa klárar þegar fjölskyldan gæðir sér á kvöldmatnum.

Heimildir: Deezen.com