Brauðrétturinn sem Bergþór elskar
Setja bókamerki
Meistari Albert Eiríksson deildi á dögunum uppskrift að brauðrétt sem fenginn var frá Jónu Láru Sveinbjörnsdóttur. Svo góður var brauðrétturinn að maki Alberts, Bergþór Pálsson, gat vart á heilum sér tekið.
„Ég fékk einn allra besta heita brauðrétt sem ég hef smakkað, þú verður að birta uppskriftina,” sagði Bergþór um heitan brauðrétt sem Jóna Lára Sveinbjörnsdóttir kom með í kvennakórspartí segir Albert á heimasíðunni sinni Albert Eldar.
„Heitir brauðréttir hafa verið með vinsælustu saumaklúbbsréttum um árabil, en galdurinn við þennan gætu verið ómissandi kasjúhneturnar. Þegar þær ristast gerast einhverjir töfrar. Alla vega er hann mjög ljúffengur. Eins og við var að búast tók Jóna Lára vel í að útbúa réttinn sem að grunni til er af síðunni ÓlöfHummus og er þar vegan.“
Heitur brauðréttur – einn sá allra besti
- 7 brauðsneiðar
- 5-6 sveppir, í sneiðum
- 1 dós aspas
- 7 msk. mæjónes
- 1 lúka ferskt spínat
- salt og pipar
- 1 1/2 dl kasjúhnetur
- Rifinn ostur
Aðferð:
- Skerið niður brauðsneiðar í litla teninga og dreifið í eldfast mót.
- Hellið aspasvökvanum jafnt yfir brauðið.
- Blandið saman mæjónesi, spínati, sveppunum og aspasinum í skál. Saltið og piprið.
- Dreifið osti yfir og kasjúhnetum
- Bakið í ofni á 160°C í rúmlega 20 mín.
Barn lést í árásinni
Bjarni: „Útilokað að þetta geti gengið upp“
Samfylking og Viðreisn gáfu loforð
Ók á hóp fólks á jólamarkaði: Einn látinn
Fyrsti blaðamannafundurinn í heild sinni
Beint: Ný ríkisstjórn tekin við völdum
Þetta eru ráðherrar ríkisstjórnarinnar
„Mér finnst gamla Samfylkingin komin aftur“
