Mexíkóskt kjúklingalasanja með ostasósu

Fyrir fjóra

• 1 stk. grillaður kjúklingur
• 2 tsk. mexíkóskt krydd, kryddblanda í poka t.d. fajita seasoning mix
• 1 dós refried beans, maukaðar baunir
• 1 dl vatn
• 1 tsk. salt
• 1 tsk. cúmín
• 2 msk. jalapeno, smátt saxaður (2-3 msk., má sleppa)
• 1 krukka mild salsa sósa
• 1 krukka ostasósa
• 1 poki rifinn ostur
• 6 stk. tortilla kökur (6-8)
• 2 dl sýrður rjómi
• 100 g rjómaostur til matargerðar frá Gott í matinn
• 1⁄2 poki rifinn ostur, sem fer yfir að lokum
• spínat, má sleppa

Aðferð

1. Hitið ofn í 180 gráður.
2. Skerið kjötið niður af grillaða kjúklingnum í frekar smáa bita.
3. Hrærið saman baunamauk, cúmín og vatn. Smakkið til með salti. Setjið jalapeno út í.
4. Raðið tortillakökum í botninn á eldföstu móti þannig að þær þeki botninn.
5. Smyrjið baunamauki yfir kökurnar, stráið kjúklingakjöti yfir, þá kryddblöndu, salsasósu og dreifið osti yfir.
6. Endurtakið nema í stað salsasósu fer ostasósa yfir.
7. Ljúkið ferlinu með því að hafa tortillakökur efst.
8. Hrærið saman sýrðan rjóma og rjómaost í potti á lágum hita.
9. Hellið yfir efstu tortillakökuna. Stráið osti og smá spínati yfir að lokum.
10. Bakið í ofni í 30 mínútur.
11. Berið fram heitt.

Höfundur: Halla Bára Gestsdóttir