Þessar dísætu og einföldu brauðrúllur slá í gegn hjá ungum sem öldnum. Þegar tíminn er naumur og ekki svigrúm til að skella í pönnukökur eða aðrar kræsingar þá koma brauðrúllurnar sér vel og jafnvel bjarga brönsinum eða kaffitímanum. Fljótlegar og syndsamlega góðar!
Brauðrúllur með Nutella, jarðarberjum og bönunum
Fyrir 6
- 6 stk brauðsneiðar af hvítu brauði
- 1/2 askja jarðarber
- 1 banani
- 5 msk Nutella súkkulaðiálegg
- 4 msk flórsykur
- 1 1/2 msk smjör
- 1 stk egg
- 2 1/2 msk mjólk
- Sprauturjómi (má sleppa).
Aðferð:
- Blandið egginu og mjólkinni saman
- Skerið skorpuna af brauðsneiðunum
- Fletjið brauðsneiðarnar út
- Skerið jarðarberin og bananann niður í þunna og litla bita
- Smyrjið brauðsneiðarnar með súkkulaðiálegginu
- Raðið ávöxtunum á brauðsneiðarnar
- Rúllið brauðsneiðunum þétt upp
- Setjið smjör á heita pönnu
- Leggið brauðrúllurnar varlega á pönnuna og steikið létt á hvorri hlið þar til fallegur brúnn litur hefur myndast.
- Takið af pönnunni, sáldrið flórsykrinum yfir hverja og eina rúllu og njótið þeirra vel. Ekki skemmir að hafa smá sprauturjóma sér við hlið þegar rúllurnar eru borðaðar.