Þennan rétt tekur stutta tíma að útbúa auk þess sem það er svo frábært að vera með allt í einu fati. Þetta er ekta heimilismatur þar sem einfaldleikinn ræður ríkjum. Þessa uppskrift er að finna á heimasíðunni Gerum daginn girnilegan en þar er að finna margar girnilegar uppskriftir sem allir ráða við að gera.
Kjúklingur og grjón í karrí
- 330 g Tilda long grain hrísgrjón
- 250 ml vatn
- 250 ml rjómi
- 250 ml mjólk
- 2 stk. kjúklingasúpa í dós (2x295 g)
- 1 msk. karrí
- 1 tsk. salt
- ½ tsk. pipar
- 100 g cheddar-ostur
- 1 stk. pk. Rose Poultry kjúklingalundir
- Salt, pipar og hvítlauksduft eftir smekk
- Ólífuolía og smjör
Aðferð:
- Byrjið á því að hita ofninn í 180°C og smyrja eldfast mót að innan með smjöri.
- Hrærið næst saman í skál eftirfarandi hráefnum: hrísgrjónum, vatni, mjólk, rjóma, karrí, kjúklingasúpum, 100 g af cheddar-ostinum, salti og pipar. Hellið í eldfasta mótið, setjið álpappír yfir og í ofninn í eina klukkustund.
- Áður en klukkustund er liðin má snöggsteikja kjúklingalundirnar upp úr olíu, aðeins rétt til að loka þeim og krydda eftir smekk.
- Þegar hrísgrjónin hafa verið í ofninum í klukkustund má taka eldfasta mótið út, raða kjúklingalundunum ofan á, strá það sem eftir er af ostinum yfir og setja aftur í ofninn í 20 mínútur án álpappírsins.
- Gott er að bera réttinn fram með brauði og/eða fersku grænmeti.