Rauður jólakokteill í boði Hildar
Jólalegur kokteill sem á vel við um hátíðirnar.
Ljósmynd/Hildur Rut
Setja bókamerki
Tengdar fréttir
Drykkir
/frimg/1/48/86/1488688.jpg)
Hér er á ferðinni jólakokteill sem kemur úr smiðju Hildar Rutar Ingimarsdóttur hjá Trendnet. Hún segir að þetta sé nýjasti uppáhalds kokteillinn sinn og hún hafi kolfallið fyrir bragðinu þegar hún smakkaði drykkinn í fyrsta skipti. Kokteillinn er bæði bragðgóður og jólalegur með góðri froðu. Cointreu, möndlulíkjör, trönuberjasafi, sykursíróp, límóna og eggjahvíta eru innihaldsefnin sem til þarf. Hátíðlegt er að skála í þessum drykk yfir hátíðirnar sem Hildur kallar Jóla-Cosmo.
Rauður jólakokteill
Fyrir 2 í hanastélsglös
- 10 cl trönuberjasafi
- 5 cl Cointreau
- 5 cl Amaretto Bols Amsterdam
- 4 cl sykursíróp (uppskrift fyrir neðan)
- 4 cl safi úr límónu
- 1 egg (eggjahvíta)
- 2 kirsuber úr krukku
Aðferð:
- Hellið trönuberjasafa, Countreau, Amaretto, sykursírópi, límónusafa og eggjahvítu í hristara og hristið í 10-15 sekúndur.
- Bætið klökum saman við og hristið aftur í 10-15 sekúndur.
- Hellið í falleg glös í gegnum sigti.
- Þræðið kirsuber á pinna og skreytið glasið. Njótið vel.
Sykursíróp
- 200 ml vatn
- 200 g sykur
Aðferð:
- Blandið saman 200 ml af vatni og 200 g af sykri í pott.
- Bræðið sykurinn á vægum hita og hrærið þar til hann leysist upp.
- Kælið, tekur nokkrar mínútur.
- Hildur hellir sykursírópinu ofan í flösku með tappa og geymir í ísskáp.
- Sykursírópið geymist í um einn mánuð.
Tengdar fréttir
Drykkir
„Aðför að samfélaginu í heild sinni“
Skuldahalinn lengist í Reykjavík
Eldgosinu er lokið
Fylgi Höllu hrundi eftir kappræðurnar
Vill ekki „aumingjalegar“ lækkanir á röngum tíma
Hvernig er vitað að þessi kona átti þetta barn?
Þurfa að taka myndir áður en goslokum er lýst yfir