Hér er að ferðinni ofureinfaldur og góður kjúklingaréttur fyrir þá sem elska sveppi. Rétturinn kemur úr smiðju eldhúsgyðjunnar María Gomez sem hefur haldið úti matarbloggi á þessari síðu hér. Það tekur stutta stund að útbúa þennan rétt og allt hráefnið fer beint í fat og inn í ofn. Einfaldara getur þetta ekki orðið.
Kjúklingaréttur með sveppum
- 500 g sveppir
- 1 stk. Rose Poultry kjúklingalundir (1 poki)
- 1 stk. Villisveppa kryddostur
- 4 stk. marin hvítlauksrif
- 500 ml matreiðslurjómi
- 2 tsk. þurrkað timian
- 1 tsk. fínt borðsalt
- ½ tsk. gróft malaður svartur pipar
- 1 tsk. Oscar kjúklingakraftur í dufti
- 1 msk. Maizena sósujafnari, má vera meira.
Aðferð:
- Byrjið á að skera sveppina í 4 parta hvern svepp eða 2 parta ef sveppirnir eru smáir.
- Setjið næst kjúklingalundirnar, í heilu lagi, í stórt eldfast mót.
- Saltið lundirnar og piprið og setjið kjúklingakraftinn yfir og hrærið saman með skeið
- Setjið næst sveppina yfir og þurrkað timian.
- Raspið niður villisveppaostinn og dreifið yfir lundirnar og sveppina ásamt mörðum hvítlauknum.
- Hellið svo matreiðslurjómanum yfir og stingið í 210 °C heitan ofninn i 25 mínútur.
- Þegar 25 mínútur eru liðnar takið þá mótið út og dreifið maizena sósujafnara yfir allt og stingið aftur inn í 10 mínútur.
- Þegar rétturinn er tekinn út er gott að hræra aðeins í honum þar til allt er vel blandað saman og sósan verður þykk og góð.
- Berið fram með grjónum eða kús kús og fersku salati að eigin vali.