Brownie með sérrírjóma og berjum

Brownie-kaka

• 1 pakki Royal-búðingur með súkkulaði (duftið)
• 70 g hveiti
• ½ tsk. matarsódi
• ½ tsk. salt
• 120 g brætt smjör
• 130 g púðursykur
• 2 egg
• 1 tsk. vanilludropar
• 80 g súkkulaðidropar

Aðferð:

1. Hitið ofninn í 180°C.
2. Klæðið um 20 cm smelluform að innan með bökunarpappír og úðið það með matarolíuúða.
3. Hrærið búðingsdufti, hveiti, matarsóda og salti saman í hrærivélarskálinni.
4. Þeytið næst brætt smjör, púðursykur, egg og vanilludropa saman í annarri skál og blandið rólega saman við þurrefnin. Skafið niður á milli og hrærið aðeins stutta stund.
5. Að lokum má vefja súkkulaðidropunum saman við með sleikju og hella í formið.
6. Bakið síðan í 22-25 mínútur og leyfið kökunni að kólna til fulls áður en þið setjið rjóma og ber ofan á hana.

Sérrírjómi og skraut

• 250 ml rjómi
• 1 msk. sérrí
• 2 msk. flórsykur
• Jarðarber
• Hindber
• Brómber

Aðferð:

1. Setjið rjóma, sérrí og flórsykur í hrærivélarskálina og þeytið þar til rjóminn er stífur. Smyrjið sérrírjómanum yfir kökuna og raðið berjum þar ofan á.