Hall­dóra Sif Guðlaugs­dótt­ir tísk­hönnuður býr ásamt eig­in­manni sín­um, Krist­ini Pét­urs­syni og börn­um þeirra þrem­ur í fal­legu raðhúsi í Mos­fells­bæ. Þau féllu fyr­ir hús­inu sem var til­búið til inn­rétt­inga. Hún er eig­andi tísku­húss­ins Sif Benedicta en það stofnaði hún eft­ir að hafa lært fata­hönn­un í Lista­há­skóla Íslands og unnið fyr­ir fræg tísku­hús eins og Al­ex­and­er McQu­een.

„Ég féll fyr­ir út­sýn­inu,“ seg­ir Hall­dóra Sif en þegar þau skoðuðu húsið var mikið af börn­um úti að leika. Hún gekk með þeirra þriðja barn og fannst þetta heill­andi. 

Þegar hún er spurð að því hvort þau hjón­in hafi verið sam­mála um hvernig heim­ilið ætti að líta út ját­ar hún að henn­ar skoðanir hafi verið ríkj­andi. Hún seg­ir að það sé ekki ólíkt að hanna heim­ili og að hanna fatalínu. Og því gerði hún mood­bo­ard svo að heim­ilið yrði sem skemmti­leg­ast. 

Hall­dóra Sif og Krist­inn létu stækka eld­húsið svo þau kæmu fyr­ir stórri eyju. Á eyj­unni er fal­leg­ur steinn sem gef­ur eld­hús­inu höfðing­legt yf­ir­bragð. Eld­húsið er opið inn í stofu. Þar er borðstofu­borð við eld­húsið og svo stofa og sjón­varps­stofa fyr­ir inn­an. 

„Ég nenni ekki að eiga hluti sem hafa ekki til­gang,“ seg­ir Hall­dóra Sif og bend­ir á garðbekk­inn sem nú er við borðstofu­borðið. Hann er geymd­ur inni á vet­urna en fær að vera í garðinum á sumr­in. 

Hús­gögn­in koma úr ýms­um átt­um. Þar er til dæm­is tekk­borð sem þau keyptu í Góða hirðinum þegar þau byrjuðu að búa og stól­ar sem merkt­ir eru hjúkr­un­ar­heim­il­inu Grund. Þeir voru keypt­ir í Góða hirðinum á sín­um tíma. Við þetta bland­ast heims­fræg hönn­un, krist­als­mun­ir úr Snúr­unni og fleira fal­legt sem ger­ir heim­ilið heill­andi. 

Tengd­ar frétt­ir

Heim­il­is­líf

Exit-eld­hús Þór­unn­ar vek­ur at­hygli

• „Ég vildi ekki eyðileggja húsið hans Man­freðs“
• „Ég á kær­asta sem er með mikl­ar skoðanir sem er mjög gott“
• Flutti til Íslands þegar Bor­is John­son skellti í lás
• Fluttu tíu sinn­um á 13 árum og elska að búa í Vest­ur­bæn­um

» Fleiri tengd­ar frétt­ir

• Blogga um frétt