Með landsliðsskyttu í liði sínu
Setja bókamerki
Skólahreysti
- Skólahreysti er liðakeppni milli grunnskóla landsins.
- Skólahreysti byrjaði árið 2005 með þátttöku sex skóla. Í ár voru um 110 grunnskólar af öllu landinu sem tóku þátt.
- Úrslitakeppni þeirra tólf skóla sem náðu bestum árangri í undankeppninni fer fram föstudaginn 16. maí næstkomandi.
- Keppnisgreinarnar eru upphífingar, armbeygjur, dýfur, hreystigreip og hraðaþraut.
Tveir skólar komust í úrslit Skólahreysti sem svonefndir uppbótarskólar. Annar þeirra, Vallaskóli, ætlar sér engu að síður góðan árangur og státar reyndar af því að hafa annan besta árangur í hraðaþraut af liðum í úrslitunum og þriðja besta árangur í dýfum.
Úrslitakeppnin í Skólahreysti fer fram í Laugardalshöll föstudaginn 16. maí næstkomandi. Af því tilefni kynnir Monitor öll liðin sem keppa. Þrjú lið verða kynnt á degi hverjum, fram á föstudag.
Að þessu sinni kynnumst við liði Vallaskóla. Hann hefur eflst mikið í Skólahreysti á undanförnum árum og hefur upp á að bjóða Skólahreystivaláfanga. Þetta er í annað skiptið sem skólinn kemst í úrslit Skólahreysti og um leið annað árið í röð.
Lið Vallaskóla skipa Eydís Arna Birgisdóttir, sem fetar í fótspor tveggja eldri systra sinna en þær kepptu báðar í Skólahreysti, Eysteinn Máni Oddsson, Rannveig Harpa Jónþórsdóttir og Teitur Örn Einarsson.
Keppendur skipta á milli sín keppnisgreinum. Teitur Örn spreytir sig á upphífingum og dýfum meðan Eysteinn Máni keppir í hraðaþrautinni. Hjá stelpunum er hið sama uppi á teningnum: Eydís Arna keppir í armbeygjum og hreystigreip, en Rannveig Harpa tekur þátt í hraðaþrautinni.
Teitur Örn keppti einnig fyrir Vallaskóla í fyrra. Hann þykir ekki aðeins liðtækur í Skólahreysti því hann spilar sem hægri skytta í U-16 landsliði Íslands í handknattleik. Hann, eins og aðrir keppendur, ætlar sér sigur í sínum greinum.
Skólahreysti
- Skólahreysti er liðakeppni milli grunnskóla landsins.
- Skólahreysti byrjaði árið 2005 með þátttöku sex skóla. Í ár voru um 110 grunnskólar af öllu landinu sem tóku þátt.
- Úrslitakeppni þeirra tólf skóla sem náðu bestum árangri í undankeppninni fer fram föstudaginn 16. maí næstkomandi.
- Keppnisgreinarnar eru upphífingar, armbeygjur, dýfur, hreystigreip og hraðaþraut.
Mennirnir í haldi lögreglunnar á Suðurnesjum
Segir forseta þingsins segja ósatt frá fundinum
Rannsaka drómasýki í hestum
Fordæmir leyndarhyggju í skólamálum
Tímaspursmál hvenær framleiðslu verði hætt
Um 70 jarðskjálftar í kvikuganginum
Kærir teiknara Vísis til siðanefndar
„Hann var lokaður inni í bátnum“