Sterk hefð er fyrir Skólahreysti í Varmahlíðarskóla. Lið frá skólanum hefur frá upphafi Skólahreysti verið ofarlega og tvívegis komist í úrslit. Varmahlíðarskóli tekur því þátt í þriðja skipti í úrslitum næstkomandi föstudag og ætla sér að sjálfsögðu stóra hluti.

Úrslitakeppnin í Skólahreysti fer fram í Laugardalshöll föstudaginn 16. maí næstkomandi. Af því tilefni kynnir Monitor öll liðin sem keppa. Þrjú lið verða kynnt á degi hverjum, fram á föstudag. Að þessu sinni kynnumst við liði Varmahlíðarskóla.

Skólinn er með annan besta árangur skólanna í úrslitum í hreystigreip en það er hún Rósa Björk Borgþórsdóttir sem keppir fyrir Varmahlíðarskóla í þeirri greip og einnig armbeygjum. Auk Rósu Björk eru í liðinu Sigfinnur Andri Marínósson, Vésteinn Karl Vésteinsson og Fríða Ísabel Friðriksdóttir.

Keppendur skipta á milli sín keppnisgreinum. Sigfinnur Andri spreytir sig á upphífingum og dýfum meðan Vésteinn Karl keppir í hraðaþrautinni. Hjá stelpunum er hið sama uppi á teningnum: Rósa Björk keppir í armbeygjum og hreystigreip, en Fríða Ísabel tekur þátt í hraðaþrautinni.

Það sem er merkilegt við lið Varmahlíðaskóla er að allir liðsmenn æfa frjálsar íþróttir. Verður það væntanlega til þess að hjálpa þeim í hinni hörðu keppni sem fram fer á föstudag.

Skólahreysti

• Skólahreysti er liðakeppni milli grunnskóla landsins.
• Skólahreysti byrjaði árið 2005 með þátttöku sex skóla. Í ár voru um 110 grunnskólar af öllu landinu sem tóku þátt. 
• Úrslitakeppni þeirra tólf skóla sem náðu bestum árangri í undankeppninni fer fram föstudaginn 16. maí næstkomandi.
• Keppnisgreinarnar eru upphífingar, armbeygjur, dýfur, hreystigreip og hraðaþraut.

Tengdar fréttir

Skólahreysti

Heiðarskóli sigraði með hálfu stigi

• Íslandsmetið slegið degi eftir að það var sett
• Hékk í rúmt korter og sló Íslandsmet
• Erfitt að spá fyrir um úrslitin
• Skólahreysti yfirtekur Reykjanesbæ

» Fleiri tengdar fréttir

• Blogga um frétt