Þrátt fyrir fámenni hefur Grunnskólinn á Þingeyri ávallt sent lið í Skólahreysti. Skólanum tókst í fyrsta skipti í ár að komast í úrslit og verður á meðal þeirra tólf liða sem eigast viðí kvöld. Liðið skartar reynslumiklum keppendum sem allir hafa tekið þátt áður í Skólahreysti.

Úrslitakeppnin í Skólahreysti fer fram í Laugardalshöll klukkan 19.40 í kvöld. Af því tilefni kynnir Monitor öll liðin sem keppa. Þrjú lið hafa verið kynnt á degi hverjum í vikunni, og verður áfram fram að keppni. Að þessu sinni kynnumst við liði Grunnskólans á Þingeyri.

Grunnskólinn á Þingeyri hafnaði í efsta sæti Vestfjarðariðilsins. Mögulega má þakka það reynslu keppenda skólans en öll hafa þau keppt áður í Skólahreysti. Tvö kepptu í fyrra, ein keppti 2012 og einn keppti í fyrra og 2012. Liðið er undir styrkri stjórn Gunnars Jónssonar sem bæði er íþróttakennari og skólastjóri Grunnskólans á Þingeyri.

Liðið er skipað þeim Dýrleifu Örnu Ómarsdóttur, Sindra Þór Hafþórssyni, Nataliu Bronislawa Snorradóttur og Anton Lína Hreiðarssyni. 

Keppendur skipta á milli sín keppnisgreinum. Anton Líni spreytir sig á upphífingum og dýfum meðan Sindri Þór keppir í hraðaþrautinni. Hjá stelpunum er hið sama uppi á teningnum: Natalia Bronislawa keppir í armbeygjum og hreystigreip, en Dýrleif Arna tekur þátt í hraðaþrautinni.

Skólahreysti

• Skólahreysti er liðakeppni milli grunnskóla landsins.
• Skólahreysti byrjaði árið 2005 með þátttöku sex skóla. Í ár voru um 110 grunnskólar af öllu landinu sem tóku þátt.
• Úrslitakeppni þeirra tólf skóla sem náðu bestum árangri í undankeppninni fer fram föstudaginn 16. maí næstkomandi.
• Keppnisgreinarnar eru upphífingar, armbeygjur, dýfur, hreystigreip og hraðaþraut.

Tengdar fréttir

Skólahreysti

Heiðarskóli sigraði með hálfu stigi

• Íslandsmetið slegið degi eftir að það var sett
• Hékk í rúmt korter og sló Íslandsmet
• Erfitt að spá fyrir um úrslitin
• Skólahreysti yfirtekur Reykjanesbæ

» Fleiri tengdar fréttir

• Blogga um frétt