Leikarinn Benedikt Erlingsson fitaði sig um tíu kíló fyrir hlutverk sitt í Verbúðinni. Benedikt segir að hann sé engin eftirherma og því hafi hann þurfti að fara aðrar leiðir til þess að leika Steingrím Hermannsson heitinn í þáttunum.

Þegar hann er spurður hvernig hann hafi fitað sig segist hann hafa borðað meira og hreyft sig minna.

„Ég borðaði allt sem mér finnst best eins og rjómaís með rjóma. Súkkulaði og gott brauð frá Brauði og co. Svo borðaði ég mikið af kökum og drakk bjór og vín í öll mál. Þetta var hrikalegt tímabil og ekki fyrir hvern sem er,“ segir Benedikt.

Eftir að tökum lauk þurfti Benedikt að komast aftur í fyrra horf og losa sig við tíu kíló. Hann segir að það hafi ekki verið mjög flókið. Hann hætti að borða rjómaís og rjóma, hætti að borða bakarísmat frá Brauði og co og fór að hreyfa sig meira. Hann labbaði og labbaði og setti tappann í flöskuna.

„Það er náttúrlega miklu auðveldara fyrir mig að léttast en marga aðra því ég er svo ofboðslega massaður. Ég er í topp 24% af mössuðustu mönnum minnar kynslóðar samkvæmt rannsóknum Íslenskrar erfðagreiningar.“

Leikstjórinn og kvikmyndagerðarmaðurinn Benedikt Erlingsson. mbl.is/Eggert

Tengdar fréttir

Heilsurækt

Hreyfing gæti verið lykillinn að betri líðan

• Svona er morgunrútínan hjá Kleina
• „Mér var ekkert sérstaklega illa við þessi aukakíló“
• Er gerjaða plóman nýjasta heilsuæðið?
• Hreppti þrjá Íslandsmeistaratitla eftir þrettán ára pásu og fjögur börn

» Fleiri tengdar fréttir

SMARTLAND 13 ÁRA

Fullkomið að byrja að elda kvöldmat strax um morguninn

• Áhyggjulaus og afslöppuð í sumarfríinu
• Funheitur gestalisti á nýjum stað við Hverfisgötu
• Langar í mann en vill ekki hanga á bar til að reyna að finna hann
• Emil og Ása Regins buðu í partí

» Fleiri tengdar fréttir

• Blogga um frétt