Elísa­bet Reyn­is­dótt­ir nær­ing­ar­fræðing­ur, bet­ur þekkt sem Beta Reyn­is, hefur sett útsýnisíbúð sína við Fellsmúla í Reykjavík á sölu. Um er að ræða rúmlega 127 fermetara íbúð en ásett verð eru tæpar 82 milljónir. 

Beta er búin að taka íbúðina í gegn og skín persónulegur stíll Betu í gegn í íbúðinni. Eldhúsið er með nýlegri eldhúsinnréttingu og skemmtilegum lausnum. Í staðinn fyrir hefðbundna eldhúseyju nýtti Beta gamlan skáp fyrir eyju og setti sömu borðplötu á eyjuna og er á eldhúsinnréttingunni. Fyrir ofan eyjuna nýtur sín ljós frá Louis Poulsen.

Einnig hefur verið nostrað við önnur smáatriði eins og val á málningu. Loft í stofu og í eldhúsi eru máluð í bleikum tón sem er nokkuð óvanalegt. Allt þetta gefur íbúðinni mikinn karakter. 

Af fasteignavef mbl.is: Fellsmúli 12