Ríkharður Daðason og Edda Hermannsdóttir eru nýtt par. Leiðir þeirra lágu saman í byrjun árs en bæði hafa þau prýtt lista Smartlands yfir eftirsóknarverðustu einhleypu einstaklinga landsins. Saman mynda þau sterka heild enda öflug hvort á sínu sviðinu. 

Hann var atvinnumaður í fótbolta. Hann er hagfræðingur og fjárfestir en hún er samskiptastjóri Íslandsbanka, fyrrverandi blaðamaður og spyrill í Gettu betur. Í byrjun árs gaf hún út bókina Forystuþjóð ásamt Ragnhildi Steinunni Jónsdóttur. 

Parið á þrjú börn frá fyrri samböndum, hann eitt og hún tvö. Smartland óskar þeim hjartanlega til hamingju með ástina!