Smartland Mörtu Maríu | Frægð | mbl | 19.5.2018 | 9:00 | Uppfært 25.3.2019 10:26

Konurnar í lífi landsliðsmannanna

Eiginkonur og kærustur landsliðsmannana sem fara á HM í knattspyrnu í sumar eru stórglæsilegar kjarnakonur. Samsett mynd

Eftir mánuð leikur Ísland sinn fyrsta leik á HM í knattspyrnu. Margir stuðningsmenn liðsins eru búnir að tryggja sér farseðil til Rússlands en meðal þeirra eru eflaust fjölskyldur landsliðsmannanna, þar á meðal eiginkonur og kærustur. Smartland fór yfir betri helming nokkurra landsliðsmanna.

Markmaðurinn Hannes Þór Halldórsson er giftur Höllu Jónsdóttur. Hannes og Halla giftu sig í Háteigskirkju um áramótin.

Halla sést hér á leið í brúðkaup sitt og Hannesar. mbl.is/Kristinn Magnússon

Kærasta Sverris Inga Ingasonar er samkvæmisdansarinn Hrefna Dís Halldórsdóttir en Hrefna Dís tók þátt í þættinum Allir geta dansað í vetur með fyrrverandi frjálsíþróttamanninum Jóni Arnari Magnússyni.

Hrefna Dís og Sverrir Ingi ásamt þeim Gylfa og Alexöndru Helgu. mbl.is/Kristinn Magnússon

Ari Freyr er giftur Ernu Kristínu Ottósdóttur einkaþjálfari en þau búa í Belgíu ásamt sonum sínum. Þess má geta að Erna Kristín er afbragðsbakari eins og má lesa á matarvef mbl.is.

Frétt af mbl.is

Erna bakar sláttuvélar, fíla og bíla fram á nótt

Hörður Bjögvin Magnússon býr í Bristol ásamt Móeiði Lárusdóttur. Móeiður hefur látið til sín taka í bloggheiminum og hefur bloggað á Femme.is.

Móeiður Lárusdóttir og Hörður Björgvin. mbl.is/Kristinn Magnússon

Landsliðsfyrirliðinn Aron Einar Gunnarsson kvæntist fitnesdrottningunni Kristbjörgu Jónasdóttur síðasta sumar og eiga þau nú von á sínu öðru barni.

Kristbjörg Jónasdóttir og Aron Einar. mbl.is/Kristinn Magnússon

Jóhann Berg Guðmundsson og Hólmfríður Björnsdóttir trúlofuðu sig á dögunum en saman eiga þau eina dóttur.

Jóhann Berg og Hólmfríður. mbl.is/Kristinn Magnússon

Emil Hallfreðsson býr á Ítalíu ásama eiginkonu sinni, Ásu Maríu Reginsdóttur, og börnum. Hjónin giftu sig í júní árið 2012.

Ása María Reginsdóttir og Emil Hallfreðsson á brúðkaupsdaginn. Ljósmynd/Aldís Pálsdóttir

Konan á bak við Gylfa Þór Sigurðsson er Alexandra Helga Ívarsdóttir. Alexandra Helga vakti fyrst athygli þegar hún var kosin ungfrú Ísland árið 2008.

Gylfi Sigurðsson og Alexandra Helga Ívarsdóttir á EM í Frakklandi. Skapti Hallgrímsson

Konan á bak við Ólaf Inga Skúlason er Sigurbjörg Hjörleifsdóttir. Hjónin eiga þrjú börn en eru í fjarbúð eins og kom fram í þættinum Draumurinn um HM á Rúv.