Árið 2023 héldu Íslendingar áfram að kaupa og selja bíla og ástfangin pör héldu áfram að fara á rúntinn þrátt fyrir heimsendaspár. Einn maður komst þó í bílafréttir á árinu fyrir það að keyra ekki bíl.

Vítalía og Arnar Grant fóru á rúntinn

Eitt þekkt­asta par landsins, Vítal­ía Lazareva og Arn­ar Grant, vörðu kvenna­frí­deg­in­um sam­an en til þeirra sást þar sem þau rúntuðu um miðbæ­inn á tveggja ára gömlum Land Rover Def­end­er. Bíllinn var skráður á fyr­ir­tækið Eski­mó­ar Hold­ing ehf. sem er fé­lag sem starfar í ferðaþjón­ustu.

Frétt af mbl.is

Vítalía og Arnar rúnta um á glæsikerru á kvennafrídaginn

Arnar Grant og Vítalía rúntuðu um á Land Rover Defender. Samsett mynd

Á bílum eins og norskir glæpamenn

Ný þáttaröð af norsku útrásarþáttunum Exit fór í loftið í mars. Íslendingar eru með svipaðan stíl og Norðmennirnir glæfralegu. Í þriðju þáttaröðinni er Adam Veile kominn á Benz-jepp­ann Mercedes-AMG G63 en keyrði auðvitað um á dýr­ari lúxusút­gáfu sem nefn­ist Bra­bus og kost­ar yfir 100 millj­ón­ir. Mercedes-AMG G63 kost­ar um 60 millj­ón­ir króna. Fjór­ir sams­kon­ar bíl­ar voru í um­ferð á Íslandi í mars sem voru yngri en tveggja ára. Árið 2022 voru tveir slík­ir grip­ir flutt­ir inn og í janúar og febrúar á þessu ári bætt­ust tveir til viðbót­ar.

Frétt af mbl.is

Fjórir 60 milljóna EXIT-jeppar í umferðinni hérlendis

Norski útrásarvíkingurinn, Adam Veile, keyrir um á Mercedes-AMC G í þriðju þáttaröðinni af EXIT. Ljósmynd/Samsett

Sagði skilið við Exit-bílnúmerið

Sig­urður Elí Berg­steins­son, eig­andi skemmti­staðar­ins EXIT og mat­sölustaðar­ins Vefj­unn­ar, tók þá ákvörðun í sum­ar að selja Porsche-bif­reið sína með einka­núm­er­inu EXIT. Hann fór aftur á gamla Range Rover-jeppann og sagði skilið við bílnúmerið. „Ég seldi hann eft­ir „fía­skó“ sum­ars­ins,“ út­skýr­ði Sig­urður Elí. Porsche-bif­reið Sig­urðar Elís vakti ómælda at­hygli á sum­ar­mánuðum þegar hún sást yf­ir­gef­in á um­ferðareyju í Reykja­vík og einnig þegar henni var lagt í sér­merkt stæði fyr­ir hreyfi­hamlaða fyr­ir utan Lands­bank­ann og héraðsdóm Reykja­ness ör­fá­um dög­um seinna.

Frétt af mbl.is

EXIT-Porsche einn og yfirgefinn á umferðareyju

Sigurður Elí ekur nú um á Range Rover-jeppa. Samsett mynd

Patrik á Porsche

Tón­list­armaður­inn Pat­rik Atla­son, bet­ur þekkt­ur sem Pretty­boitjok­ko, sást á trylltum sportjeppa af teg­und­inni Porsche Cayenne í sumar. Grunnverð hér á landi á slíkum bíl var rúm­lega 16,4 millj­ón­ir. Í nóvember fékk hann einkanúmerið PBT. Pat­rik virðist vera sér­lega hrif­inn af glæsikerr­um frá Porsche, en hann keyrði áður um á ljós­blá­um sport­bíl af teg­und­inni Porsche Taycan. Blái bílinn var frá árinu 2022 og setti Patrik hann á sölu og var verðmiðinn 14,9 milljónir.

Frétt af mbl.is

Prettyboitjokko selur bílinn og skoðar skipti fyrir ódýrari

Patrik elskar Porsche. Samsett mynd

Simmi missti prófið

Sig­mar Vil­hjálms­son at­hafnamaður fór í gegnum sumarið á hjóli og sem farþegi. Hann missti bílprófið tímabundið í vor í kjölfar þess að hann var tekinn fyrir akstur undir áhrifum áfengis. „Eins fyndið og það hljóm­ar þá finn ég fyr­ir ákveðinni tóm­leika­til­finn­ingu því Villi sam­starfsmaður minn hef­ur sótt mig nán­ast á hverj­um morgni,“ sagði Sigmar í samtali við Smartland þegar hann endurheimti bílprófið í lok ágúst.

Frétt af mbl.is

Simmi kominn með bílprófið en finnur fyrir tómleikatilfinningu

Simmi Vill. Mbl.is/Brynjólfur Löve

Tengdar fréttir

Frægir á ferð

Halla Hrund og Jón Gnarr bæði á lánsbílum frá Brimborg

• Fjölskyldubíll Snorra og Nadinar seldist loksins
• Siggi Sveins bjargaði golfbílnum
• Magnús á splunkunýjum Exit-jeppa
• Snorri og Nadine selja þriggja milljóna fjölskyldubíl

» Fleiri tengdar fréttir