10 andlitsmaskar gegn öllum vandamálum
Lilja Ósk Sigurðardóttir
Setja bókamerki
Hvort sem vandamálið tengist húðinni eða sálinni eru góðar líkur á að kvöldstund með andlitsmaska kunni að hjálpa. Hér eru 10 andlitsmaskar gegn ýmsum húðvandamálum.
Endurlífgandi
Advanced Night Repair Concentrated Recovery Powerfoil Mask frá Estée Lauder virðist gera allt í einu. Formúlan gerir húðina bjartari og jafnari ásýndar ásamt því að veita henni raka og aukinn þéttleika. Álþynnan kemur í veg fyrir uppgufun virkra innihaldsefna svo þau ná dýpra inn í húðina.
Róandi
Cucumber Face Mask frá Verandi er bæði kælandi og róandi fyrir húðina en formúlan byggist á íslenskum gúrkum. Maskinn býr einnig yfir vítamínum, steinefnum og aloe vera sem hefur græðandi áhrif.
Rakgefandi
Super Aqua-Mask frá Guerlain er grímumaski sem veitir húðinni gífurlegan raka en í einum grímumaska er jafnmikið af rakagefandi innihaldsefnum og í 30 ml af Super Aqua-seruminu. Leyfðu grímunni að liggja á andlitinu í 10 mínútur og eftir á verður húðin sjáanlega sléttari og rakafyllri.
SOS Hydra Refreshing Hydration Mask frá Clarins fyllir húðina raka á aðeins 10 mínútum. Formúlan er krem-gelkennd og kælandi en eftir notkunina verður húðin þrýstnari ásýndar og ljómameiri.
Örvandi
Cellular Performance Mask frá Sensai örvar blóðflæði húðarinnar og endurvekur hana. Formúlan er kremkennd og mýkjandi en hana má nota sem upplífgandi andlitsmaska eða leyfa henni að liggja á húðinni yfir nótt fyrir enn betri árangur.
Nærandi
Algae Mask frá Bláa lóninu er djúpnærandi þörungamaski byggður á einstökum þörungum Bláa lónsins. Maskinn eykur heilbrigði húðarinnar og ljóma ásamt því að draga úr sýnilegum línum á húðinni.
Hreinsandi
Supermud Clearing Treatment frá GlamGlow býr yfir djúphreinsandi kolum, sem nánast sjúga í sig óhreinindi, og blöndu sex endurnýjandi andlitssýra. Þannig djúphreinsar formúlan svitaholur og bætir ásýnd venjulegrar, blandaðrar eða bólóttrar húðgerðar.
Sléttandi
Advanced Génifique Hydrogel Melting Mask frá Lancôme er öflug formúla sem fyllir húðina raka og næringu ásamt því að styrka yfirborð hennar með háu hlutfalli Bifidus-extrakts. Þannig verður húðin þrýstnari, sléttari og mýkri ásýndar.
Þéttandi
Le Lift Skin-Recovery Sleep Mask frá Chanel er næturmaski sem hjálpar húðinni að verða þéttari ásýndar og sléttari. Með öflugum innihaldsefnum á borð við 3.5-DA og silkipróteinum veitir maskinn húðinni mikla mýkt og dregur úr ásýnd þroskamerkja.
Kælandi
Imprinting Hydrogel Mask frá BIOEFFECT veitir húðinni góðan raka en gelkennd andlitsgríman hefur einnig sérlega kælandi áhrif á húðina. Prófaðu að geyma maskann í kæli til að hafa hann enn kaldari við ásetningu en þetta er góð leið til að draga úr bólgum og þrota í andlitinu. Greinarhöfunur notar þennan andlitsmaska einnig beint úr kælinum þegar höfuðverkur sækir á eða eftir svefnlitlar nætur.
Hraunið náð Njarðvíkuræð: Fylgjast með raflínu
Sáu eldgosið brjótast út frá Snæfellsnesi
Mæðgur dæmdar til að greiða 64 milljónir
Mjög alvarlegt ef Njarðvíkuræð gefur sig
Hraun fór yfir Grindavíkurveg
Búseta skortir byggingarlóðir
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda