7. umferð: Áfangar hjá Valskonu og Þróttara
Setja bókamerki
Í sjöundu umferð Bestu deildar kvenna í fótbolta náði Valskona sögulegum áfanga á ferlinum og Þróttur eignaðist sína fyrstu tuttugu marka konu.
Lára Kristín Pedersen, miðjumaður Vals, náði þeim stóra áfanga í fyrrakvöld, þegar Valur vann Þór/KA, 1:0, á Hlíðarenda, að spila sinn 200. leik í efstu deild hér á landi. Lára er aðeins 18. konan sem nær þessum leikjafjölda í deildinni frá upphafi og er jafnframt sú fyrsta í þrjú ár til að komast í 200 leikja hópinn.
Lára hefur spilað þessa 200 leiki með sex liðum, Aftureldingu, Aftureldingu/Fjölni, Stjörnunni, Þór/KA, KR og nú með Val en þetta er hennar þriðja tímabil á Hlíðarenda.
Ólöf Sigríður Kristinsdóttir varð fyrsti leikmaður Þróttar til að skora 20 mörk í efstu deild þegar Þróttur vann Tindastól, 3:1, á Sauðárkróki í fyrrakvöld. Hún skoraði tvö markanna, hennar fyrstu á tímabilinu, og það seinna var 20. markið. Engin önnur hefur skorað meira en tíu mörk fyrir Þrótt í efstu deild.
Andrea Mist Pálsdóttir skoraði sitt fyrsta mark fyrir Stjörnuna í deildinni þegar liðið gerði jafntefli við Breiðablik, 1:1, í Kópavogi í gærkvöld. Hún hefur áður skorað fyrir Þór/KA og FH, samtals 19 mörk.
Hannah Jane Cade skoraði sitt fyrsta mark í deildinni þegar hún kom Tindastóli á blað í tapleiknum gegn Þrótti.
Sara Montoro hefur skorað í tveimur leikjum í röð fyrir FH sem varamaður en hún skoraði seinna markið í sigrinum á Selfossi í fyrrakvöld, 2:0. Þetta eru tvö fyrstu mörk hennar í efstu deild.
Tanya Boychuk hefur skorað fyrir Þrótt í þremur leikjum í röð og er komin í hóp þeirra markahæstu í deildinni með fjögur mörk.
Úrslitin í 6. umferð:
Keflavík - ÍBV 0:0
Valur - Þór/KA 1:0
FH - Selfoss 2:0
Tindastóll - Þróttur R. 1:3
Breiðablik - Stjarnan 1:1
Markahæstar:
4 Andrea Rut Bjarnadóttir, Breiðabliki
4 Sandra María Jessen, Þór/KA
4 Tanya Boychuk, Þrótti
3 Bryndís Arna Níelsdóttir, Val
3 Freyja Karín Þorvarðardóttir, Þrótti
3 Hafrún Rakel Halldórsdóttir, Breiðabliki
3 Melissa Garcia, Tindastóli
3 Shaina Ashouri, FH
3 Taylor Ziemer, Breiðabliki
Næstu leikir:
11.6. Þór/KA - Selfoss
12.6. ÍBV - Breiðablik
12.6. Þróttur R. - Keflavík
12.6. Stjarnan - FH
12.6. Valur - Tindastóll
Ganga í hús sem á að rýma á Seyðisfirði
Játaði allt á fyrsta degi
/frimg/1/54/17/1541746.jpg)
„Getum verið að tala um ár eða áratugi“
Trump tekinn við sem forseti Bandaríkjanna
Ætla ekki að skila peningnum
Vonast til að menn sjái alvöru málsins
Aflétta rýmingu ef spá gengur eftir