Breiðablik náði þeim sögulega áfanga að skora sitt tvö þúsundasta mark í efstu deild kvenna þegar liðið vann Selfoss, 4:0, í 14. umferð Bestu deild kvenna á fimmtudagskvöldið.

Annað mark Breiðabliks í leiknum var mark númer 2.000 hjá félaginu frá upphafi í deildinni en það skoraði Andrea Rut Bjarnadóttir þegar hún sendi boltann inn að markinu utan af hægri kanti á 42. mínútu og hann hafnaði í markhorninu fjær.

Valur er eina félagið sem áður hafði náð 2.000 mörkum en mörk Hlíðarendafélagsins eru 2.074 talsins. KR er síðan í þriðja sæti með 1.477 mörk og í fjórða sæti er Stjarnan með 1.125 mörk.

Agla María Albertsdóttir skoraði fyrsta mark Breiðabliks í leiknum og þar með jafnaði hún Gretu Mjöll Samúelsdóttir sem sjöundi markahæsti leikmaður félagsins í deildinni frá upphafi með 56 mörk.

Linli Tu er komin á blað með Breiðabliki, nýkomin frá Keflavík. Ljósmynd/Kristinn Steinn

Linli Tu skoraði sitt fyrsta mark fyrir Breiðablik í deildinni, í sínum öðrum leik, þegar hún gerði fjórða markið í sigrinum á Selfossi. Hún hafði áður gert fjögur mörk fyrir Keflavík á tímabilinu.

Melanie Rendeiro skoraði sitt fyrsta mark í deildinni þegar hún gerði mark Keflavíkur í jafntefli, 1:1, gegn Stjörnunni. Það var hennar annar leikur.

Haley Johnson lék sinn fyrsta leik í deildinni með Selfossi gegn Breiðabliki.

Úrslit­in í 14. um­ferð (heit­ir 15. um­ferð í leikjaplan­inu)
Kefla­vík - Stjarn­an 1:1
FH - Þór/​KA 0:1
Val­ur - Þrótt­ur R. 2:1
Breiðablik - Sel­foss 4:0

Marka­hæst­ar:
13 Bryn­dís Arna Ní­els­dótt­ir, Val
6 Agla María Al­berts­dótt­ir, Breiðabliki
5 Andrea Rut Bjarna­dótt­ir, Breiðabliki
5 Freyja Karín Þor­varðardótt­ir, Þrótti
5 Katrín Ásbjörns­dótt­ir, Breiðabliki
5 Linli Tu, Kefla­vík/Breiðabliki
5 Sandra María Jessen, Þór/​​​​​​​​​​​KA
5 Tanya Boychuk, Þrótti
4 Birta Georgs­dótt­ir, Breiðabliki
4 Holly O'­Neill, ÍBV
4 Katla Tryggva­dótt­ir, Þrótti
4 Melissa Garcia, Tindastóli
4 Olga Sevcova, ÍBV
4 Shaina Ashouri, FH
4 Sierra Marie Lelii, Þrótti 
4 Tayl­or Ziemer, Breiðabliki
4 Þórdís Elva Ágústsdóttir, Val

Næstu leik­ir:
7.8. Breiðablik - Þór/KA
8.8. Tindastóll - Selfoss
9.8. Valur - Stjarnan
10.8. Þróttur R. - ÍBV
10.8. Keflavík - FH

Tengdar fréttir

Ýmislegt um Bestu deildirnar

27. umferð: Daníel, Hallgrímur, Kristinn, Kjartan, Erlingur og Elfar

• 23. umferð: Spilaði 300. leikinn á 24. tímabilinu
• 26. umferð: Sigurður með 300. leikinn
• 22. umferð: Áfangar hjá Öglu Maríu og Elínu Mettu
• 25. umferð: Kominn í fámennan hóp

» Fleiri tengdar fréttir

• Blogga um frétt