Íþróttir | Íslenski fótboltinn | mbl | 29.8.2023 | 7:30 | Uppfært 10:21

21. umferð: Tveir úr Stjörnunni með áfanga

Árni Snær Ólafsson hefur varið mark Stjörnunnar í öllum leikjum liðsins í deildinni í ár og er kominn með 200 deildaleiki á ferlinum.

Þegar Stjörnumenn biðu lægri hlut fyrir KA á Akureyri í 21. umferð Bestu deildar karla í fótbolta á sunnudaginn náðu tveir leikmenn úr Garðabæjarliðinu áföngum á ferlinum.

Árni Snær Ólafsson markvörður Stjörnunnar lék sinn 200. deildaleik á ferlinum. Hann lék fyrstu 179 leikina í marki ÍA, þar af 126 leiki í efstu deild, og hefur síðan leikið alla 21 leiki Garðabæjarliðsins á þessu tímabili.

Emil Atlason, sem skoraði mark Stjörnunnar gegn KA, en skaut einnig í þverslá úr vítaspyrnu, lék sinn 150. leik í efstu deild. Hann hefur leikið með fimm liðum í deildinni, KR, Val, Þrótti, HK og nú Stjörnunni en flesta leikina hefur Emil leikið með Garðabæjarliðinu, 67 talsins. Hann hefur skorað fyrir öll liðin, 45 mörk samtals, og þar af 13 á þessu tímabili en hann er markahæstur í deildinni.

Viktor Örlygur Andrason lék sinn 100. leik í efstu deild með Víkingum þegar þeir unnu Breiðablik, 5:3, í fyrrakvöld. Allir leikir hans eru fyrir Víking.

Ásgeir Helgi Orrason og Kristófer Ingi Kristinsson úr Breiðabliki skoruðu báðir sitt fyrsta mark í efstu deild í leiknum gegn Víkingi.

Richard King, landsliðsmaður Jamaíku, skoraði fyrsta mark sitt í deildinni fyrir ÍBV þegar liðið gerði jafntefli, 2:2, við HK í Kórnum í gærkvöld.

Úrslitin í 21. umferð:
KA - Stjarnan 2:1
FH - Valur 3:2
KR - Fylkir 2:0
Keflavík - Fram 0:0
Víkingur R. - Breiðablik 5:3
HK - ÍBV 2:2

Markahæstir í deildinni:

13 Emil Atlason, Stjörnunni
11 Nikolaj Hansen, Víkingi
11 Tryggvi Hrafn Haraldsson, Val
10 Birnir Snær Ingason, Víkingi
10 Stefán Ingi Sigurðarson, Breiðabliki
8 Adam Ægir Pálsson, Val
8 Danijel Dejan Djuric, Víkingi
8 Fred Saraiva, Fram
8 Kjartan Henry Finnbogason, FH
7 Gísli Eyjólfsson, Breiðabliki
7 Örvar Eggertsson, HK
6 Aron Jóhannsson, Val
6 Benedikt Daríus Garðarsson, Fylki
6 Guðmundur Magnússon, Fram
6 Gyrðir Hrafn Guðbrandsson, FH
6 Ísak Andri Sigurgeirsson, Stjörnunni
6 Patrick Pedersen, Val
6 Úlfur Ágúst Björnsson, FH
5 Arnþór Ari Atlason, HK
5 Aron Jóhannsson, Fram
5 Ágúst Eðvald Hlynsson, Breiðabliki
5 Ásgeir Sigurgeirsson, KA
5 Davíð Snær Jóhannsson, FH
5 Eggert Aron Guðmundsson, Stjörnunni
5 Klæmint Olsen, Breiðabliki
5 Matthías Vilhjálmsson, Víkingi
5 Óskar Borgþórsson, Fylki
5 Sami Kamel, Keflavík