Knattspyrnudeild Njarðvíkur hefur gengið frá samningi við búlgarska varnarmanninn Slavi Kosov.
Samningur leikmannsins gildir út komandi leiktíð. Kosov er 24 ára miðvörður, sem á fjóra leiki fyrir yngri landslið Búlgaríu.
Kosov hefur æft með Njarðvíkingum undanfarnar tvær vikur og heillaði þjálfarateymi liðsins. Hefur hann leikið í heimalandinu allan ferilinn til þessa.
Njarðvík endaði í tíunda sæti 1. deildarinnar á síðustu leiktíð og hélt sér uppi á markatölu.