„Ég er hér í einu verkefni hér og það er áfram Ísland,“ sagði Þorgerður Katrín Gunnarsdóttir, formaður Viðreisnar og móðir Gísla Þorgeirs Kristjánssonar, í samtali við mbl.is á Hofbrähaus í München í gær.

Þorgerður var mætt ásamt fjölda Íslendinga á staðinn þar sem hitað var upp fyrir landsleik Íslands og Serbíu í C-riðli Evrópumóts karla í handknattleik í Ólympíuhöllinni í München en leiknum lauk með jafntefli, 27:27.

„Svo er það hinn boltinn og það er að vera með pólitík heima sem virkar! Þá þurfum við nýja ríkisstjórn og þar verður Viðreisn,“ sagði Þorgerður Katrín í samtali við mbl.is þegar hún var spurð að því hvort hún hefði íhugað það að bjóða sig fram til embættis forseta Íslands.

Næsti leikur Íslands á Evrópumótinu verður gegn Svartfjallalandi í Ólympíuhöllinni í München og ætla Íslendingar að hittast aftur á Hofbräuhaus og hita sig upp fyrir leikinn.

Tengdar fréttir

Íslendingar hita upp

„Ekki spurning!“

• Mikil bjartsýni á meðal Íslendinganna
• Alltaf með magann í buxunum
• „Ég ætla bara að skokka á vegg“
• „Hefur fótboltahæfileikana klárlega frá mömmu sinni!“

» Fleiri tengdar fréttir

• Blogga um frétt