„Ég hugsa að það sem er í gangi heima á Íslandi í dag sé olía á eldinn hjá strákunum,“ sagði tónlistarmaðurinn og söngvarinn Hreimur Örn Heimisson í samtali við mbl.is á Hofbräuhaus í München í dag.

Ísland mætir Svartfjallalandi í öðrum leik sínum í C-riðli Evrópumótsins í Ólympíuhöllinni í München í dag en Ísland gerði jafntefli við Serbíu í fyrstu umferðinni á meðan Svartfjallaland tapaði naumlega fyrir Ungverjalandi, 26:24.

Frétt af mbl.is

Háspenna lífshætta í ótrúlegum sigri Íslands

„Þetta eru bæði synir og salt jarðarinnar, þessir strákar okkar í landsliðinu. Ég er mættur á mitt fyrsta stórmót og ég held að ég hafi aldrei verið jafn mikill Íslendingur og ég er nákvæmlega núna,“ sagði Hreimur.

Búnir að hlaupa af sér hornin

Hreimur á von á íslenskum stórsigri gegn Svartfjallalandi í dag.

„Ég ætla að vera djarfur og ég spái því að við séum að fara rúlla yfir þennan leik. Við vorum klaufar, að mér fannst, í fyrsta leiknum, og við hefðum mátt nýta okkur betur markvörsluna í fyrri hálfleik.

Sóknarleikurinn var því miður ekki nægilega góður en ég held að strákarnir séu búnir að hlaupa af sér hornin núna. Fyrsti leikurinn á stórmóti búinn, bæði hjá strákunum og Snorra Steini landsliðsþjálfara og ég held að við séum að fara hlaupa yfir þennan leik,“ bætti Hreimur Örn við í samtali við mbl.is.

Tengdar fréttir

Íslendingar hita upp

„Ekki spurning!“

• Mikil bjartsýni á meðal Íslendinganna
• Alltaf með magann í buxunum
• „Ég ætla bara að skokka á vegg“
• „Hefur fótboltahæfileikana klárlega frá mömmu sinni!“

» Fleiri tengdar fréttir

• Blogga um frétt