Harry Kane, fyr­irliði enska karla­landsliðsins í knatt­spyrnu, hef­ur komið sam­herj­um sín­um þrem­ur, sem hafa mátt þola skelfi­legt kynþátt­aníð, til varn­ar.

Marcus Rash­ford, Jadon Sancho og Bukayo Saka klúðruðu all­ir víta­spyrn­um sín­um í víta­keppni gegn Ítal­íu í úr­slit­um Evr­ópu­móts­ins þegar Ítal­ir unnu sinn ann­an Evr­ópu­meist­ara­titil á sunnu­dags­kvöld.

Í kjöl­farið rigndi ógeðfelldu kynþátt­aníði yfir þre­menn­ing­ana á sam­fé­lags­miðlum.

„Þeir eiga skilið stuðning, ekki þetta viðbjóðslega kynþátt­aníð sem þeir hafa orðið fyr­ir frá því í gær­kvöldi [á sunnu­dags­kvöld].

Þetta eru þrír strák­ar sem voru magnaðir í allt sum­ar og fundu hjá sér hug­rekki til þess að taka víta­spyrn­ur þegar allt var und­ir,” sagði Kane í gær og bætti við:

„Ef þið níðist á ein­hverj­um á sam­fé­lags­miðlum eruð þið ekki stuðnings­menn Eng­lands og við vilj­um ekki hafa ykk­ur sem stuðnings­menn.“

Frétt af mbl.is

Sak­ar ráðherr­ann um sýnd­ar­mennsku

Sam­herji þeirra í enska landsliðinu, Tyrone Mings, sagðist á Twitter-aðgangi sín­um í gær því miður ekki hissa á þess­um viðbrögðum.

„Að vakna í dag og sjá bræður mína verða fyr­ir kynþátt­aníði fyr­ir að vera nægi­lega hug­rakk­ir til þess að koma sér í aðstöðu til þess að hjálpa þjóðinni er eitt­hvað sem veld­ur því að mér sundl­ar en kem­ur mér ekk­ert á óvart.“

Ga­reth Southga­te, þjálf­ari enska landsliðsins, sagði níðið ein­fald­lega óá­sætt­an­legt.

Tengd­ar frétt­ir

EM í fót­bolta 2021

„Fyrsta merkið um ham­ingju“

• Læt­ur kynþátt­aníð ekki brjóta sig niður
• Allt þetta „kem­ur heim“-dæmi hvatti okk­ur til dáða
• Hatrið mun aldrei sigra
• Schick skoraði fal­leg­asta mark keppn­inn­ar

» Fleiri tengd­ar frétt­ir

• Blogga um frétt