Enski knattspyrnumaðurinn Jadon Sancho skrifar á Instagram í dag að hatrið muni aldrei sigra. Sancho varð fyrir grófu kynþáttaníði í kjölfar þess að hann nýtti ekki vítaspyrnu í vítakeppninni í úrslitaleik Englands og Ítalíu á EM á Wembley á sunnudaginn var.

Marcus Rashford og Bukayo Saka urðu einnig fyrir kynþáttaníði í kjölfar leiksins og Sancho hefur nú tjáð sig í fyrsta skipti eftir úrslitaleikinn.

„Ég ætla ekki að láta sem ég hafi ekki séð kynþáttaníðið sem ég og bræður mínir Marcus og Bukayo urðum fyrir eftir leikinn, en því miður er þetta ekkert nýtt. Við sem samfélag verðum að gera betur og láta þetta fólk bera ábyrgð á gjörðum sínum.

Hatrið mun aldrei sigra. Ég er stoltur af enska liðinu og hvernig við sem þjóð sameinuðumst eftir 18 erfiða mánuði. Við vildum vinna, en við höldum áfram að byggja ofan á þetta,“ skrifaði Sancho á samfélagsmiðilinn.

Sancho, sem hefur leikið með Dortmund síðustu ár, hefur gert samkomulag við Manchester United.

Tengdar fréttir

EM í fótbolta 2021

„Fyrsta merkið um hamingju“

• Lætur kynþáttaníð ekki brjóta sig niður
• Allt þetta „kemur heim“-dæmi hvatti okkur til dáða
• Schick skoraði fallegasta mark keppninnar
• Rifbeinsbrotnaði í látunum

» Fleiri tengdar fréttir

• Blogga um frétt