Belgíski landsliðsmarkvörðurinn Thibaut Courtois kemur til með að missa af næstu leikjum Evrópumeistara Real Madrid.
Staðfest var úr herbúðum Madridarliðsins í dag að Courtois eigi við meiðsli að stríða í mjöðm og komi ekki til að spila næstu leiki liðsins.
Hann mun því ekki standa á milli stanganna í kvöld þegar Real Madrid mætir Leganes í spænsku bikarkeppninni og Belginn kemur til með að missa af deildarleikjunum gegn Real Betis og Sevilla.
Keylor Navas mun standa vaktina í markinu í fjarveru Courtois en mikill vandræðagangur hefur verið á liði Real Madrid. Liðið er í fimmta sæti spænsku deildarinnar og er tíu stigum á eftir toppliði Barcelona.