Enska knatt­spyrnu­sam­bandið mun rann­saka til hlít­ar þá ein­stak­linga sem reyndu að brjóta sér leið inn á Wembley-leik­vang­inn fyr­ir úr­slita­leik Eng­lands og Ítal­íu í gær­kvöldi og leit­ast við að banna þá.

Stuðnings­menn slóg­ust við ör­ygg­is­verði og lög­reglu­menn er þeir reyndu að brjót­ast í gegn­um járn­g­irðing­ar.

Frétt af mbl.is

Brutu sér leið inn á leik­vang­inn

„Við erum með frá­bært ör­yggis­teymi á leik­vang­in­um og það hef­ur aldrei séð neitt þessu líkt. Það var stór hóp­ur af fylliröft­um sem reyndi að brjóta sér leið inn. Við erum að sjá um leik­vang, ekki ramm­gert vígi.

Ég verð að biðja þá stuðnings­menn sem þetta hafði áhrif á og teymið sem þurfti að fást við þetta af­sök­un­ar,“ sagði Mark Bull­ing­ham, fram­kvæmda­stjóri enska knatt­spyrnu­sam­bands­ins, í yf­ir­lýs­ingu.

Hann bætti því við að knatt­spyrnu­sam­bandið myndi vinna náið með lög­regl­unni með það fyr­ir aug­um að banna hvern þann sem braut sér leið inn og til þess að koma í veg fyr­ir að svona at­vik kæmi upp aft­ur.

Upp­haf­lega sagði lög­regl­an í Lund­ún­um að eng­inn ein­stak­ling­ur án miða hefði náð að brjóta sér leið inn á leik­vang­inn, en í síðari yf­ir­lýs­ingu greindi hún frá því að nokkr­ir hefðu kom­ist inn.

Tengd­ar frétt­ir

EM í fót­bolta 2021

„Fyrsta merkið um ham­ingju“

• Læt­ur kynþátt­aníð ekki brjóta sig niður
• Allt þetta „kem­ur heim“-dæmi hvatti okk­ur til dáða
• Hatrið mun aldrei sigra
• Schick skoraði fal­leg­asta mark keppn­inn­ar

» Fleiri tengd­ar frétt­ir

• Blogga um frétt