Ga­reth Southga­te, þjálf­ari enska karla­landsliðsins í knatt­spyrnu, seg­ist vilja stýra liðinu áfram og koma því á HM 2022 í Kat­ar, sem fer fram eft­ir tæp­lega eitt og hálft ár.

„Mér finnst sem mag­inn hafi verið rif­inn úr mér. Er ég sit hér í dag myndi ég samt vilja fara með liðið til Kat­ar,“ sagði Southga­te, sýni­lega þreytt­ur og leiður, á blaðamanna­fundi í dag.

Eng­land tapaði í víta­spyrnu­keppni gegn Ítal­íu í úr­slit­um Evr­ópu­móts­ins á Wembley í gær­kvöldi og vann þar með til silf­ur­verðlauna á mót­inu.

Samn­ing­ur Southga­tes nær fram yfir HM 2022 í Kat­ar og sagðist hann vilja hvílast aðeins áður en hann hugaði að því að fram­lengja samn­ing sinn.

„Við þurf­um auðvitað að kom­ast til Kat­ar. Ég þarf smá tíma til þess að horfa aft­ur á leik gær­kvölds­ins og fara yfir mótið.

Ég þarf að hvíla mig. Það er stór­kost­leg upp­lif­un að leiða þjóð sína á mót­um sem þessu en hún tek­ur sinn toll.“

Enska knatt­spyrnu­sam­bandið vill gjarna fram­lengja samn­ing Southga­tes og sagði hann að vilji sinn til þess að bíða aðeins með samn­ingaviðræður tengd­ist ekki pen­ing­um og að sér þætti það frá­bært að njóta stuðnings sam­bands­ins.

Tengd­ar frétt­ir

EM í fót­bolta 2021

„Fyrsta merkið um ham­ingju“

• Læt­ur kynþátt­aníð ekki brjóta sig niður
• Allt þetta „kem­ur heim“-dæmi hvatti okk­ur til dáða
• Hatrið mun aldrei sigra
• Schick skoraði fal­leg­asta mark keppn­inn­ar

» Fleiri tengd­ar frétt­ir

• Blogga um frétt