Carlo Ancelotti, þjálfari Real Madrid, segir að Andriy Lunin haldi sæti sínu í markinu þegar Real tekur á móti Bayern München í undanúrslitum Meistaradeildar Evrópu annað kvöld.
Thibaut Courtois sneri aftur í byrjunarlið Madridarliðsins eftir krossbandslit um helgina í 3:0 sigri Real á Cadiz en Ancelotti segir Lunin vera á undan Belganum í röðinni.
„Andriy Lunin spilar. Eftir svona alvarleg meiðsli leikmanns er ekki hægt að breyta áætlunum vegna eins leik. Thibaut þarf að tíma til að komast aftur í fyrra form“.
Úkraínumaðurinn Lunin hefur sprungið út í marki Real á tímabilinu og spilað virkilega vel. Staðan í einvígi Real og Bayern er 2:2 eftir fyrri leikinn í Þýskalandi.