Hrafnhildur Hanna og Daníel Jens íþróttafólk Árborgar

Handboltakonan Hrafnhildur Hanna Þrastardóttir og taekwondomaðurinn Daníel Jens Pétursson voru í kvöld krýnd íþróttakona og íþróttakarl Sveitarfélagsins Árborgar 2015. Voru þau valin úr hópi 23 íþróttamanna úr Árborg sem tilnefnd höfðu verið til verðlaunanna. 

<div>Hrafnhildur Hanna er aðeins tvítug en er nú þegar máttarstólpi í Selfossliðinu í handbolta og lykilmaður í A-landsliði Íslands sem miðjumaður og skytta, en hún hefur spilað með öllum landsliðum Íslands í þeirri íþróttagrein. <br/><br/>Daníel Jens vann til gullverðlauna á Norðurlandamótinu á þessu ári, og varði þar titil sinn frá í fyrra. Hann hefur verið virkur í keppni erlendis á árinu með góðum árangri. Hann er jafnframt yfirþjálfari Taekwondodeildar UMF Selfoss, sem er fjölmennasta taekwondo deild landsins með um 130 iðkendur. </div>