Íþróttafólk frá Rússlandi og Hvíta-Rússlandi hefur verið sett í frekara keppnisbann af Alþjóða ólympíuhreyfingu fatlaðra eða International Paralympic Committee.
Íþróttafólk frá þessum löndum var meinað að keppa á Paralympics vetrarleikunum síðasta vetur vegna innrásar Rússa í Úkraínu sem Hvít-Rússar studdu.
Í gær fundaði stjórn IPC um framhaldið í Berlín og voru greidd atkvæði á fundinum um frekara keppnisbann.
64 greiddu atkvæði með keppnisbanninu en 39 greiddu atkvæði á móti. Bannið tekur strax gildi en Íþróttasambönd fatlaðra í Rússlandi og Hvíta-Rússlandi geta leitað til áfrýjunardómstóls.