KA konur sigruðu Aftureldingu í úrslitum úrvalsdeildar kvenna í blaki í KA heimilinu í dag þar sem úrslit réðust í oddahrinu eftir endurkomu heimakvenna. KA leiðir einvígið 2:1.
Leikurinn í dag var æsispennandi en gestirnir úr Mosfellsbæ komust í 2:0 með því að vinna fyrstu tvær hrinurnar 25:22. KA sneri taflinu við og vann þriðju hrinu 25:23 og þá fjórðu 27:25 eftir upphækkun. Akureyringar höfðu betur í oddahrinunni 15:13 og tókst að verja heimavöllinn.
Liðin mætast á nýjan leik á laugardaginn að Varmá en þar getur KA tryggt sér Íslandsmeistaratitilinn.