Bandaríski kylfingurinn Woody Austin er á meðal vinsælustu kylfinga heims eftir ótrúleg tilþrif í Forsetabikarnum sem lauk á sunnudaginn í Montreal í Kanada. Austin féll með tilþrifum beint á andlitið í vatnstorfæru við 14. flöt á öðrum keppnisdegi gegn Alþjóðlega úrvalsliðinu. Austin lét það ekkert á sig fá og fékk þrjá fugla í röð á síðustu þremur holunum og tryggði bandaríska úrvalsliðinu stig í þeirri viðureign.

Þegar ljóst var á lokakeppnisdeginum að bandaríska liðið væri búið að tryggja sér sigur í Forsetabikarnum gerði Austin grín að sjálfum sér þegar hann mætti til leiks á 14. brautina. Hann setti upp sundgleraugu af stærri gerðinni og lék með þau á höfðinu á þeirri braut. Austin er nú gríðarlega vinsæll í heimalandinu en hann þykir hafa komið með ferska vinda inn í bandarísku PGA-mótaröðina.

Frétt og myndband af sundferð Austin.

Woody Austin undirbýr sig fyrir grínþáttinn í Montreal. AP

Tengdar fréttir

Golf: PGA mótaröðin

Cink er efstur þegar keppni er hálfnuð

• Rocco fékk 64 milljónir kr. fyrir annað sætið
• Tiger hvílir fram að Opna breska
• Stenson hefur titil að verja
• Gamez þarf að sanna sig

» Fleiri tengdar fréttir

• Blogga um frétt