Rhein-Neckar Löwen tryggði sér í kvöld sæti í undanúrslitum Evrópudeildarinnar í handknattleik þrátt fyrir tap gegn Sporting frá Portúgal í síðari leik liðanna í Portúgal í kvöld.
Leiknum lauk með 29:28-sigri Sporting en Orri Freyr Þorkslesson skoraði þrjú mörk fyrir portúgalska liðið. Ýmir Örn Gíslason komst ekki á blað hjá Löwen.
Sigur Sporting dugði hins vegar ekki til og Rhein-Neckar Löwen vann einvígið samanlagt 60:58.
Úrslitahelgin fer fram í Hamburg í Þýskalandi, dagana 25. og 26. maí, en ásamt Rhein-Neckar Löwen verða Flensburg, Füchse Berlín og Dinamo Búkarest einnig í pottinum þegar dregið verður í undanúrslitin.