Körfuknattleiksmaðurinn Bragi Guðmundsson mun í sumar skipta um lið í bandaríska háskólaboltanum. Gengur hann til liðs við Campbell Fighting Camels frá stórliði Nittany Lions.
Bragi, sem er tvítugur Grindvíkingur, gekk til liðs við Nittany Lions, körfuknattleikslið hins virta Penn State-háskóla í Pennsylvaníuríki, fyrir yfirstandandi tímabil.
Campbell Fighting Camels er körfuknattleikslið Campbell-háskóla í Blue Creek í Norður Karólínu-ríki.
Leikur liðið í efstu deild bandaríska háskólaboltans.