Neytendastofa hefur tekið ákvörðun um að Neytendalán ehf., sem rekur smálánafyrirtækin 1909, Múla og Hraðpeninga, eigi að greiða dagsektir að fjárhæð 20.000 krónur á dag þar til félagið bætir úr upplýsingagjöf á vefsíðum sínum.

Samkvæmt lögum ber fyrirtækjum að veita upplýsingar um sig á vefsíðum sínum þannig að neytendur eigi auðvelt með að átta sig á því hver stendur að baki síðunni.

Þetta eru upplýsingar eins og nafn, heimilisfang, kennitala og virðisaukaskattnúmer. Þar sem þessar upplýsingar er ekki að finna með fullnægjandi hætti á vefsíðum 1909, Múla og Hraðpeninga og Neytendalán hefur ekki orðið við kröfu Neytendastofu um að bæta upplýsingagjöf sína þurfa þau nú að greiða dagsektir þar til úr þessu verður bætt.

Hér má lesa úrskurðinn í heild.

Neytendalán ehf. var stofnað árið 2013. mbl.is

Tengdar fréttir

Smálánafyrirtæki

„Við tölum ekki nógu mikið um hákarla“

• Innheimtuhættir aðfinnsluverðir
• Smálánaskuldir aftur skráðar hjá Creditinfo
• Á pari við innheimtu fíkniefnaskulda
• Vilja stöðva smálánafyrirtæki

» Fleiri tengdar fréttir

• Blogga um frétt