Smálán ehf. hefur verið tekið til gjaldþrotaskipta en það sérhæfði sig í svokölluðum smálánum. Í Lögbirtingablaðinu í dag kemur fram að búið hafi verið tekið til gjaldþrotaskipta 21. september en skiptafundur fer fram 29. desember. 

Fyrirtækið hefur verið nokkuð í umræðunni síðustu ár en árið 2014 höfðaði það ásamt smálánafyrirtækinu Kredía ehf. mál á hend­ur Neyt­enda­stofu. Fyrirtækin vildu láta ógilda ákvörðun áfrýj­un­ar­nefnd­ar neyt­enda­mála sem snýr að út­reikn­ingi á heild­ar­lán­töku­kostnaði. Neytendastofa var sýknuð af kröfum fyrirtækjanna.

Fyrri frétt mbl.is: Smálánafyrirtæki í hart við Neytendastofu

Þá tók Neytendastofa ákvarðanir í maí um að sömu fyrirtæki, Kredía og Smálán, hefðu brotið gegn lögum um neytendalán við útreikning árlegrar hlutfallstölu kostnaðar og upplýsingagjöf til neytenda í tengslum við lán sem félögin veita neytendum. 

Félögin kærðu ákvarðanirnar til áfrýjunarnefndar neytendamála og voru þær flestar staðfestar af nefndinni.

Fyrri frétt mbl.is: Staðfesti ákvarðanirnar að mestu leyti

Smálán ehf. er í 100% eigu DCG ehf. sem er í eigu Leifs Alexanders Haraldssonar. Fyrirtækið tengist Kredía nánum böndum en Slóvakinn Mario Megela er skráður stjórnarmaður og framkvæmdastjóri í báðum félögunum. Leifur Alexander stofnaði hinsvegar bæði félögin, Kredíu 2009 en Smálán 2012.  

Tengdar fréttir

Smálánafyrirtæki

„Við tölum ekki nógu mikið um hákarla“

• Innheimtuhættir aðfinnsluverðir
• Smálánaskuldir aftur skráðar hjá Creditinfo
• Á pari við innheimtu fíkniefnaskulda
• Vilja stöðva smálánafyrirtæki

» Fleiri tengdar fréttir

• Blogga um frétt