Arion banki hefur sent frá sér afkomuviðvörun vegna neikvæðra áhrifa á afkomu þriðja ársfjórðungs. „Vegna ófyrirséðra atburða gerir Arion banki hf. ráð fyrir að niðurfæra lán og greiða út ábyrgðir sem mun hafa neikvæð áhrif á rekstrarafkomu bankans á þriðja ársfjórðungi ársins,“ segir í tilkynningu frá bankanum.

Áhrifin munu nema um 1,3 – 1,8 milljörðum króna, að teknu tilliti til skatta, og mun hlutfall eiginfjárþáttar 1 lækka um um það bil 0,2 prósentustig vegna þessa.

Þar segir að fyrirgreiðslurnar tengist félagi sem hefur verið í viðskiptum við bankann og fyrirrennara hans um árabil.

Haraldur Guðni Eiðsson hjá samskiptasviði Arion banka sagðist í samtali við mbl.is ekki geta staðfest hvort um sé að ræða flugfélagið Primera Air, sem hefur óskað eftir greiðslustöðvun. Á vefsíðunni Turisti.is kemur fram að félagið hafi átt í viðskiptum við Arion banka. 

Hlutabréf í Arion banka lækkað um 7,7%

Hlutabréf í Arion banka hafa lækkað um 7,7% í kauphöllinni í Stokkhólmi í morgun en síðustu viðskipti með bréf bankans voru á genginu 6,19 sænskar krónur. Hlutabréfin hafa lækkað um tæp 22% á einum mánuði og rúm 15% síðustu þrjá mánuði.

Ari­on banki var skráður í Nasqad-kaup­hall­irn­ar í Reykja­vík og Stokk­hólmi 15. júní og var sú skrán­ing sú næst­stærsta í Íslands­sög­unni og fyrsta skrán­ing ís­lensks banka í kaup­höll frá hruni.

„Fjárhagsleg markmið bankans til næstu ára, t.a.m. varðandi þróun eiginfjár, haldast óbreytt. Að mati bankans er um einskiptisatburð að ræða sem hefur ekki áhrif á reglulegar tekjur og almennan rekstrarkostnað,“ segir í tilkynningunni.  

Afkoma bankans fyrir þriðja ársfjórðung verður birt 31. október. 

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

Primera Air gjaldþrota

Arion tapaði 3 milljörðum á Primera

• Tíu milljarða kröfur á Íslandi
• Gaf engin fyrirheit um lán
• 4,6 milljónir og einn bíll í búinu
• Kröfurnar rúmir 16 milljarðar

» Fleiri tengdar fréttir

• 1 blogg um fréttina

Bloggað um fréttina

• Örn Gunnlaugsson: Sprenglærðir snillingar.