Arion banki færði niður tæplega þrjá milljarða króna í ábyrgðum og lánveitingum vegna gjaldþrots flugfélagsins Primera Air, sem var í viðskiptum hjá bankanum. Rekstrarerfiðleikar og gjaldþrot flugfélagsins eru einkum sögð skýra þann samdrátt sem varð á hagnaði Arion banka á milli áranna 2017 og 2018, en hagnaður bankans dróst saman um nærri helming á milli ára.

Frétt af mbl.is

Hagnaður Arion banka dróst saman

Einnig segir í ársreikningi félagsins að fjárfesting í alþjóðlegri starfsemi Valitors hafi þar áhrif, en fram kemur að Valitor Holding hf. hafi tapað tæpum 1,3 milljörðum króna á síðasta ári. Félagið mun vera í „mikilli uppbyggingu erlendis og hefur í þeim fasa verið rekið með rekstrartapi,“ samkvæmt skýrslu stjórnar í ársreikningi bankans.

Arion banki sendi frá sér afkomuviðvörun í byrjun október, skömmu eftir gjaldþrot Primera Air, sem þar sem sagði að „vegna ófyrirséðra atburða“ gerði bankinn ráð fyrir að niðurfæra lán og greiða út ábyrgðir, sem myndi hafa neikvæð áhrif á rekstrarafkomu bankans á þriðja ársfjórðungi.

Frétt af mbl.is

Arion tapar háum fjárhæðum

Þá var tiltekið að áhrifin af þessum ófyrirséðu atburðum á afkomu bankans myndu nema 1,3-1,8 milljörðum króna á þriðja ársfjórðungi.

Tengdar fréttir

Primera Air gjaldþrota

Tíu milljarða kröfur á Íslandi

• Gaf engin fyrirheit um lán
• 4,6 milljónir og einn bíll í búinu
• Kröfurnar rúmir 16 milljarðar
• Arion með aukin veð í eignum Andra

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Bankastjórinn situr áfram